بهار عضو جديد
عدد ردود : 3
نشاط العضو : 5161
الجنس :
المهنة :
احترام القوانين :
| موضوع: بقلمي: حبي لك أنت فقط الجمعة أبريل 09, 2010 7:42 am | |
| السلام عليكم رواية من تأليفي أتمنى أن تنال إعجابكم حبي لك أنت فقط الشخصيات: عائلة أبو بهار أبو بهار : رجل ملتزم طيب و خلوق يحب الناس و الناس تحبه لا يحب الحرام مثل ما يقولون مطوع عمره 33 سنه يشتغل في المستشفى ممرض يأخذ تحاليل دم في المختبر ... أم بهار : إمرأه طيبه و حنونة تحمل صفات المرأة المثالية عمرها 32 سنه تشتغل سكرتيره في مدرسه إبتدائيه للبنات ... بهار : بنت حبوبه وحيده أمها و أبوها سمره شوي و ضعيفة وايد بس جميله , وعيناتها بنيه و خشمها شبه طويل بس حلو وايد شعرها بني و ناعم وايد , عمرها 15 سنه في الصف الأول الثانوي , هي شاطره و هادئة لكنها وايد تتغيب عن المدرسة بسبب مرضها تعاني من سكلر و ترقد وايد في المستشفى و هذا سبب غيابها المتكرر عن المدرسة ... عائله بيت اليد أبو أم بهار أبو و أم أم بهار ماتوا و خلوا بنتهم وحيده إلي هي تصير أخت أم بهار , هي مو متزوجة أسمها زينب تشتغل في مجمع و عمرها 35 سنه ... عائلة أبو جواد أبو جواد: رجل ملتزم و خلوق يحب الناس و الناس تحبه عمره 40 سنه يشتغل موضف في بتلكو ... أم جواد : مرأه و نعم المرأة لها جيران و ناس يحبونها محبوبة وايد عمرها 38 سنه و تصير أخت أم بهار , ما تشتغل ربه بيت ... جواد : ولد أبو جواد الكبير عمره 29 سنه يشتغل في شركه متزوج و عنده بنت و ولد يسمونه أبو علي لان ولده الصغير أسمه علي ... أسماء : زوجه جواد مره طيبه و حبوبه بس بسرعة تزعل عمرها 28 سنه تشتغل مدرسة رياضه .. زهراء : بنت جواد و أسماء الكبيرة , بنت مغرورة و دلوعة عمرها 10 سنوات هي مو شاطره وايد يعني زينه , ما أدري طالعه على من؟ علي: ولد جواد و أسماء , طيب على أمه و أبوه بس عصبي وايد و مزاجي حده , عمره 8 سنوات شاطر ... هدى : بنت أبو جواد حلوه و حبوبه بس دايما متملله , عمرها 28 سنه كبر زوجه أخوها جواد لكن دايما يتشاجرون و يتصافون في نفس الوقت , كملت دراستها و قعدت في البيت مع أمها تساعدها في أعمال البيت ... آخر العنقود في عائله أبو جواد هو محمد : محمد شاب مثالي و لكن دايما يسرح و لا يكلم أحد هو أسمر وايد و ضعيف عمره 17 سنه عنده ربع وايد محبوب لكن ما يحب يسولف وايد . مخالف للقانون يسوق سيارة و هو بعده ما اخذ رخصه سوق لكنه يحب بنت خالته بهار وايد حب جنوني غير طبيعي إذا صار فيها شي يمرض و يصير فيه شي لكن ما يقول لاحد ان يحب بنت خالته حتى أمه و أبوه لكنهم يدرون عنه ...
نبدأ القصه كانت العطله الصيفيه على أول أيامها قعد محمد من النوم الصبح الساعه خمس و تمسح و صلى صلاه الصبح , بعدها ما قدر ينام راح خذ له شور و طلع نشيط لبس ثياب كشخه بنطلون جينز اسود و تيشيرت ظاغط مرسوم عليه صبي و حط في شعره جل و وداه على وره شعره مب طويل وايد بس هو يحب يسويه جذي ,نزل تحت الصاله ما شاف احد بالبيت الحين الساعه ست و نص اكيد الكل نايم , قال للخدامه تسوي له ريوق و بطل التلفزيون يفرفر فيه تريق و قام يطالع فلم , مر الوقت بسرعه الحين الساعه تسع و نص راح غرفه أمه و أبوه و طق الباب : محمد : يمه ...يمه وينج؟ يبه شفيكم هذا ما صار نوم بالله عليكم اللحين الساعه تسع و نص الصبح خاف لما شاف محد يرد عليه و قال في نفسه (خلني أدخل ) بطل الباب و شاف انه ماكو احد بالغرفه و قال شلون طلعوا و أنا بالصاله نادى الخدامه محمد : ماريا ...ماريا ماريا : ها بابا محمد : شنو ها ؟ قولي نعم ماريا : نعم بابا شنو يبي ؟ محمد : وين راحت ماما ؟ ماريا :مدام طلعت مع بابا ساعه 4 صبح استغرب شنو صاير فيهم يطلعون الساعه 4 الصبح راح بيتصل اله يات له الخدامه و عطته ورقه و قالت له :هاذي من مدام شاف مكتوب بالورقه حبيبي محمد لا تخاف احنا طالعين و بنرجع الساعه خمس العصر استغرب و قال في نفسه شنو سبب هالطلعه من الصبح قعد ينتظر على اعصابه , اتصل و لا يمكن الاتصال شاف تلفونه يرن لكن ما طالع الرقم محمد : الو صادق (صديق محمد الروح بالروح ): هلا و غلا ...صباح الخير محمد : هلا هلا صادق :وينك يا اخي ؟ محمد :في البيت صادق :انت بنت تقعد بالبيت , اقول تعال نقعد مع الشباب نفرفش شوي محمد :و الله مالي خلق صادق : شنو مالك خلق؟ يلا انا مارك الحين مر صادق على محمد و راحوا للشباب صادق و محمد : هلا شباب الشباب في صوت واحد :هلا و الله جعفر :هلا و الله محمد شهالغبه علينا ؟ ليش ما تطلع تفرفش شوي معانا ؟ محمد : مالي خلق اطلع صادق : ما عليك منه ,.انا ماخذه بالغصب مهدي : انت متى صار لك خلق يعني ؟ محمد : انتوا ما تحسون بلي فيني , اكرموني بسكوتكم أرجوكم رن تلفون محمد شاف المتصل أبوه محمد : الو ابو جواد الي هو ابو محمد :السلام عليكم محمد :هلا يبا و عليكم السلام ابو جواد : ها يبا تريقت ؟ محمد : اي يبا الحمد لله , في وين امي ؟ و انتوا شفيكم؟ ابو جواد : ما فينا شي اطمن محمد : تقول الخدامه طالعين الساعه 4 الصبح و انا استغربت شصاير وين رايحين؟ ابو جواد : رايحين المستشفى محمد متجمد في مكانه :عسى ما شر ؟ امي فيها شي؟ ابو جواد :لا ما شر امك ما فيها شي محمد : شلون تقول انك بالمستشفى و تقول ما صار شي؟ ابو جواد : رايحين نزور مريض محمد :و من هالمريض ارجوك يبا قول لي ابو جواد: و الله ما ادري شقول لك يبا محمد قطع كلام ابوه:يبا تكفى شصاير؟ ابو جواد : بهار بنت خالتك محمد في نفسه (بهار حياتي شفيها ؟) و نزلت من عينه دموع لا اراديا ابو جواد : محمد ...محمد محمد سمع صوت ابوه و انتبه لنفسه يصيح مسح دموعه : هلا يبا شفيها بهار ؟ ابو جواد : بهار مريضه و يقول الدكتور حالتها غير مستقره محمد و قلبه طايح بالارض ما قدر يتحمل حس الدنيا تدور به : باي مستشفى ؟ ابو جواد : بمستشفى ...... جناح ..... غرفه.... محمد سكر التلفون حتى ما قال لابوه مع السلامه مشى على طول و نسى يسلم على الشباب و الشباب يتسائلون شفيه محمد؟
الجزء الثاني مشى محمد و ركض وراه صادق و هو يناديه و محمد و لا كأنه يسمع , يحس أن الدنيا تدور فيه مشى و حس كأنه بطيح على الارض شاف قدامه سياره تسند عليها و غمض عينه دقايق على ساس يرتاح لانه ما قدر يمشي و هو تعبان يخاف يغمى عليه صادق و هو يتنفس بصعوبه من الركض ورا محمد , صادق : شفيك خوفتني محمد :..... صادق : و الله خوفتني شفيك ؟ محمد أخذ صادق و حظنه و قعد يبجي , قام صادق يبجي وياه لانه حنون صادق : شفيك محمد ؟ محمد: ممكن طلب؟ صادق : قبل لا تطلب ابي اعرف شفيك (و هو يمسح دموعه ) محمد مسح دموعه و قال : بنت خالتي هي بالمستشفى و يقول الدكتور حالتها غير مستقره صادق قطع كلامه : انزين , لكن ليش كل هالبجي ؟ محمد انا احبها وايد و خايف عليها و الله احبها و الله صادق : يعني انت تحب الحين و احنا ما ندري عنك ها؟ محمد : انا في وين و انت في وين , خل هالموضوع على جانب ان شاء الله نتفاهم فيه في وقت ثاني , سكت شوي و قال : ممكن توديني المستشفى ؟ صادق و هو مرفع يده و يأشر على محمد : عندنا جم محمد .اكيد بوديك رجع صادق و مشى وراه محمد و اخذوا السياره الي كانوا قاعدين عليها الشباب صادق : شباب قوموا من على سيارتي انا بمشي مهدي :على وين ان شاء الله صادق :عندنا شغله بنسويها و بنرجع باي الشباب: بايات
مشوا محمد و صادق و كانالشارع وايد زحمه و محمد سرحان يفكر في بنت خالته و هو قاعد على اعصابه صادق : محمد محمد :.... صادق : محمد محمد :... صادق : محمد انتبه محمد على ان صادق يكلمه صادق : لهدرجه تحبها و خايف عليها محمد: لانك ما شفتها هي حلوه و حبوبه و انا ما اقدر اعيش بدونها صادق و هو مرفع حاجب و منزل حاجب و مبتسم ابتسامه ساخره :الله ... الله ...و هذي الانسه شسمها ؟ محمد و ماله خلق يرد : اسمها ....اسمها بهار صادق بستغراب : بهار ؟ شنو احنا قاعدين في ايران ؟ محمد : انا اقول بلا طنازه صادق :اوكي .كم عمرها و شفيها مريضه .يعني اقصد لهدرجه المرض خطير ؟ محمد :انت قاعد تسوي معاي سبق صحفي و لا شنو؟ صادق : انا بس اسأل , مجرد سؤال محمد :عمرها 15 سنه , و فيها سكلر , بعد عندك شي؟ صادق :سكلر ؟ هذا المرض وايد ناس ماتوا منه , انت من صجك فيها سكلر ؟ محمد : شفتني جذبت عليك مره ؟ صادق : يلا خل عنك هالسالفه و خلنا نوصل بسرعه
كان صادق يمشي السياره و محمد كلحين يقول له اسرع اسرع , و فجأه لفت عليهم شاحنه كبيره و صادق ما قدر يتحكم بالسياره او يضرب المكابح ما عرف شنو يسوي كان مرتبك من المنظر الي قدامه لكن هذا المحتوم منظر مرعب :تصادمت الشاحنه الكبيره بسياره صادق الصغيره و تهشمت السياره وايد , يعني الي يشوف السياره يقول الي فيها ماتوا . لكن , صج ماتوا او لما ماتوا ؟ بنعرف هذا في الجزء الثالثانتظروا البقيه
الجزء الثالث في المستشفى الكل قاعد هدى :يبا ما قال محمد انه بيي ابو جواد:أي بس ما ادري شفيه تأخر ام جواد :يا ربي اكيد صار في ولدي شي جواد :لا يما لا تفاولين عليه ان شاء الله ما صار الا الخير يمكن الشارع زحمه ام جواد:ابو جواد اتصل لولدك و شوفه ليش تأخر ابو جواد اتصل لمحمد و تلفونه مسكر و اتصل على صادق و بعد مسكر ام جواد :انا قلت اكيد صاير في ولدي شي اتصل ابو جواد على رفيج ولده محمد فاضل :الو ابو جواد :السلام عليكم فاضل :و عليكم السلام ابو جواد:معاك ابو جواد فاضل :يا هلا عمي ابو جواد : شفت ولدي محمد ؟ فاضل : طلع مع صادق من ساعتين و نص تقريبا ابو جواد:ما تدري وين راحوا فاضل :لا ابو جواد:مشكور مع السلامه فاضل و هو مستغرب:الله يسلمك سكر ابو جواد التلفون و هو يفكر وين راح ولده
نرجع عند الشباب فاضل سكر التلفون وتم سرحان جعفر:فاضل فاضل:...... جعفر:فاضل فاضل:....... جعفر:فاضل و صمخ فاضل :نعم آمر جعفر:شفيك سرحان من زمان و انا اناديك و انت في علم ثاني من فيه تفكر ها؟؟؟ فاضل:ابو جواد متصل يسألني عن محمد جعفر :هو طلع مع صادق فاضل:ادري بس ما ادري ليش سألني بطريقه غريبه اتصل فاضل على محمد و بعد مسكر و اتصل على صاق و بعد مسكر
في المستشفى عند بهار قاعدين ينتظرون محمد رن تلفون بهار ابو بهار:الو رضا:السلام عليكم ابو بهار:و عليكم السلام رضا :هذا تلفون بهار ابو بهار:أي نعم من معاي رضا:تعرف احد بأسم محمد او صادق سمع ابو جواد اسم محمد و صادق و اخذ التلفون من ابو بهار ابو جواد:الو رضا:الو ابو جواد:من بغيت؟ رضا:ابو جواد ابو جواد:انا ابو جواد خير؟ رضا : الخير بويهك عمي انا فاعل خير حبيت اخبرك ان محمد و صادق مسويين حادث و انا معاهم بالمستشفى ابو جواد :حادث انتظروا الجزء الرابع عشان نشوف هل ماتوا محمد و صادق او لا
اول بشوف الردود بعدين بكملها | |
|
j.zuhair المدير العام
عدد ردود : 1368
نشاط العضو : 7485
العمر : 32
الجنس :
المهنة :
احترام القوانين :
الموقع : أبوصيبع
| موضوع: رد: بقلمي: حبي لك أنت فقط الجمعة أبريل 16, 2010 11:57 am | |
| سكرا وبارك الله فيكي اختي .... ولاكن انتظرنا زمن ولم يظهر الجزء الرابع نرجوا تسريع وشكرا | |
|
أحبه بجنون مراقبة
عدد ردود : 26
نشاط العضو : 5200
العمر : 33
الجنس :
المهنة :
احترام القوانين :
| موضوع: رد: بقلمي: حبي لك أنت فقط السبت أبريل 17, 2010 10:37 am | |
| مشكووره يالغلا بس لاتحرمينا من البااقي مفهوم خخخخخخخ بنتظأرك | |
|
دلوعة ابوها عضو برونزي
عدد ردود : 414
نشاط العضو : 6228
العمر : 28
الجنس :
المهنة :
احترام القوانين :
| موضوع: رد: بقلمي: حبي لك أنت فقط الأحد ديسمبر 19, 2010 4:48 am | |
| | |
|
snow girl عضو مميز
عدد ردود : 716
نشاط العضو : 6395
العمر : 27
الجنس :
المهنة :
احترام القوانين :
| موضوع: رد: بقلمي: حبي لك أنت فقط الأحد ديسمبر 19, 2010 5:20 am | |
| تسلمين وأرجو التواصل معنا | |
|